Fræðslustjóri að láni

Hvernig er sótt um fræðslustjóra að láni og hvernig er ferlið?

1. Umsókn um Fræðslustjóra að láni er fyllt út með nauðsynlegum fylgigögnum:

a) Rökstuðningur.
b) Upplýsingar um þátttakendur og stéttarfélagsaðild.

2. Starfsmenntasjóður hefur samband við fyrirtækið:

• • Starfskraftur leiðandi sjóðs í verkefninu mun hafa samband við fyrirtækið í kjölfarið og fara yfir forsendur og næstu skref.
  • Leiðandi sjóður hefur samband við samstarfssjóði varðandi þátttöku, tímafjölda og fyrirkomulag verkefnis.

3. Drög að samningi:

• • Ef öllum líst vel á verkefnið, eru gerð drög að samningi.
  • Fjöldi tíma sem ráðgjafinn vinnur fyrir fyrirtækið byggir á fjölbreytni starfa innan fyrirtækisins og ákveðnum föstum liðum.
  • Markmið verkefnisins er að ná greiningu á þörfum sem miðast við þverskurð af starfsemi fyrirtækisins.
  • Einungis er leitað til sjálfstæðra ráðgjafa sem hafa mikla reynslu af verkefnum í fyrirtækjum og eru samþykktir af samstarfssjóðum verkefnisins.

4. Samþykki á verkefninu:

• • Ef fyrir liggur samþykki á verkefninu er gengið til samninga og verkefnið hefst strax við undirskrift.
  • Verkefnið er mótað í fullu samráði við fyrirtækið.

5. Rýnihópur:

• • Komið er á fót rýnihópum innan fyrirtækisins sem ráðgjafinn leiðir.
  • Jafnframt vinnur hann þarfagreiningu og fræðsluáætlun.
  • Áætlunin er eign fyrirtækisins og viðkomandi sjóðs.
  • Fyllsta trúnaðar er gætt um allt sem við kemur verkefninu.

6. Millifundur:

• • Um miðbik verkefnis er haldinn millifundur þar sem farið er yfir framgang verkefnisins og fyrstu drög að fræðsluáætlun eru kynnt.
  • Starfsfólk samstarfssjóða er tengjast viðkomandi verkefni mæta á þann fund.

7. Að lokum vinnur ráðgjafi að skýrslu þar sem:

• • framgangi verkefnisins eru gerð skrifleg skil
  • fullunninni og samþykktri fræðsluáætlun er skilað
  • og formlegri vinnu verkefnisins því lokið.

8. Ráðgjafi sinnir eftirfylgni á verkefninu nokkrum vikum eftir að verkefninu lýkur og aðstoðar fyrirtækið ef þarf.

9. Framhaldsvinnan er síðan í höndum fyrirtækis með því að framfylgja fræðsluáætluninni og sækja um styrki í viðeigandi starfsmenntasjóði.